За упис на Brainster Next факултетот, следете ги овие чекори:

1. Пополнување на апликација: Започнете со пополнување на онлајн апликацијата тука, каде што ќе ги внесете вашите податоци и академски интереси.

2. Тест за компетенции: Следен чекор е да решите тест кој ќе ги процени вашите компетенции.

3. Приемно интервју: По успешно положен тест, ќе бидете поканети на приемно интервју за да разговараме за вашите академски и професионални цели.

4. Потврда за упис: По успешно завршување на сите чекори, ќе добиете потврда за упис и дополнителни информации за следните активности, како што се плаќање на школарина и почеток на наставата.

Доколку имате дополнителни прашања или ви е потребна помош при аплицирањето, слободно контактирајте не.“

На студиската програма Софтверско инженерство и иновации една академска година чини 3450 евра.

На студиската програма UX/UI и графички дизајн една академска година чини 3650 евра.

Ова е школарината за студирање на колеџот и во неа се вклучени сите трошоци поврзани со студиите – односно нема никакви дополнителни ниту скриени трошоци (за литература, за пријавување испит итн).

Постојат повеќе начини за плаќање на школарината кои се образложени тука.

Воедно го нудиме финансискиот модел Студирај сега, плаќај по вработувањето. – чијашто примарна цел е да го направи достапно за сите квалитетното високообразование, и да ја оттргне грижата за финансискиот товар од студентите и секако нивните родители.
Ние стоиме на располагање за да ви помогнеме заедно со вашето дете да ја донесете најдобрата одлука за вас во однос на студиите.
Поради тоа, предлагаме да закажеме информативна средба за кариерно советување и консултација со нашите координатори!

На нашиот факултет не студираат најпривилегираните туку најдобрите.

Brainster Next e првиот практичен ИТ-факултет акредитиран од страна на Министерството за образование и наука на РСМ и согласно тоа дипломата со која се стекнува студентот по завршувањето на студиите е еквивалентна на која било друга диплома стекната на државните и приватните факултети низ државата.

Согласно Болоњската декларација и националната рамка за еквиваленција и квалификација на образованието, преку ЕКТС системот дипломата е призната во сите држави кои се дел од оваа декларација и ја признаваат акредитацијата дадена од страна на МОН. Решенијата за акредитација се достапни ТУКА

Да, по завршување на додипломските студии, студентите имаат можност да продолжат со магистерски студии. Нашите програми се дизајнирани да обезбедат солидна академска основа и практични вештини кои ги подготвуваат студентите за понатамошни студии на повисоко академско ниво. Потребно е студентите да изберат магистерски студии со времетраење од две години.

Наставата ќе се одвива со физичко присуство, додека материјалите за учење и сè што е поврзано со студиите ќе бидат достапни на посебна платформа (learning management system) каде што секој студент ќе има свој профил, ќе се бележи неговото присуство, оценките, проектите итн.

Само мал дел од наставата, по исклучок, ќе се одржува преку видеоконференциска врска, кога станува збор за гостински предавања од експерти од странство, во случај тие да не можат да бидат физички присутни и со цел да не се наруши текот на предавањата.

Распоредот на предавања ќе биде поинаков од оној на традиционалните факултети – ќе се слушаат предметите во блокови, наместо паралелно повеќе предмети во исто време, со цел фокусот на студентот да биде што повеќе насочен на конкретна материја.